“Drug nije meta”

Članovi Učeničkog parlamenta Srednje medicinske škole “Dr Branko Zogović” su na inicijativu profesorica praktične nastave obilježili Dan borbe protiv vršnjačkog nasilja pod sloganom “DRUG NIJE META”. Dvočasovna aktivnost je koncipirana tako što su u prvom dijelu programa članovi učeničkog parlamenta održali veoma inspirativna predavanja na ovu predmetnu temu gdje se svaki učenik kroz svoju temu bavio jednim segmentom nasilja. Govorili su o fizičkom, psihičkom, nasilju prema osobama sa invaliditetom, sajber nasilju, nasilju prema Romima i seksualnom nasilju. Kroz kratke filmove obuhvaćene su sve vrste vršnjačkog nasilja koje su imale podlogu istinitih priča nasilja u našim školama i školama u regionu. U drugom dijelu programa, Danijela Došljak, pedagogica škole, je održala interaktivno predavanje o nasilju u školi. Predavanju je prisustvovalo oko 50 učenika.